აშშ-ის სახელმწიფო მდივანი, ენტონი ბლინკენი 13-15 აპრილს ბრიუსელს ოფიციალური ვიზიტით ეწვევა. ინფორმაციას ამის შესახებ აშშ-ის სახელმწიფო დეპარტამენტი ავრცელებს.
„ბრიუსელში, სახელმწიფო მდივანი ბლინკენი თავდაცვის მდივან ლოიდ ოსტინს შეუერთდება და ნატოს მოკავშირეებთან და პარტნიორებთან კონსულტაციებს გამართავს სხვადასხვა პრიორიტეტის შესახებ. სახელმწიფო მდივანი ამ შესაძლებლობას გამოიყენებს, რათა დაადასტუროს აშშ-ის ერთგულება ტრანსატლანტიკური ალიანსის მიმართ. სახელმწიფო მდივანი ბლინკენი ასევე გამართავს ორმხრივ და მრავალმხრივ შეხვედრებს ევროპელ კოლეგებთან ძირითადი პრიორიტეტებისა და საერთო გამოწვევების განსახილველად“, – ნათქვამია აშშ-ის სახელმწიფო დეპარტამენტის განცხადებაში.
კომენტარები