ბექა მჭედლიშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“პრემიერ-მინისტრის დისკრედიტაციის მიზნით ჩვენთვის სრულად იდენტიფიცირებული ჯგუფების მხრიდან ხორციელდება მიზანმიმართული დეზინფორმაციის კამპანია.
მაგალითად, იგონებენ ციტატებს, ქმნიან ყალბ ფოტოებს და ასე ცდილობენ საზოგადოების შეცდომაში შეყვანას. ამ შემთხვევაში ავრცელებენენ მათ მიერ გამოგონილ
განცხადებას ემიგრანტებთან დაკავშირებით, რომელიც ცხადია არ შეესაბამება რეალობას.
ჩვენი მხრიდან დისკრედიტაციის ნებისმიერ მცდელობას აქვს და ექნება შესაბამისი რეაგირება.
გთხოვთ, სოციალურ ქსელში პრემიერ-მინისტრის განცხადებების შესახებ ოფიციალური ინფორმაციის მისაღებად ისარგებლოთ პრემიერ-მინისტრის და საქართველოს მთავრობის ოფიციალური ფეისბუკ გვერდებით.
ერთი სიტყვით, როდესაც პრემიერის დისკრედიტაციას მისი გაყალბებული ციტატებით შეეცდებით, უნდა გაითვალისწინოთ რომ საზოგადოება მას კარგად იცნობს და თქვენი მცდელობა წარმატებული ვერ იქნება.”