სოფელ გუმათში „ნამახვანჰესის“ მშენებლობის წინააღმდეგ აქციას „ქართული მარშის“ წარმომადგენლები შეუერთდნენ.
„ჩვენ არანაირ ძალადობრივ აქციას არ შევუერთდებით. დავუდგებით გვერდში ამ ადამიანებს ისე, როგორც დგანან და რა ფორმითაც იბრძვიან. თუმცა გვაქვს ჩვენი ხედვაც და ვეცდებით, აქციის ხელმძღვანელებს გავუზიაროთ“, – განაცხადა „ქართული მარშის“ წევრმა ირაკლი შიხიაშილმა.
პროტესტი უკვე 172-ე დღეა გრძელდება. გზის ცენტრალური ნაწილი ისევ რკინის კონსტრუქციებით არის გადაკეტილი. სოფელ გუმათში უსაფრთხოებიდან გამომდინარე რჩებიან სამართალდამცველები. აქციის ორგანიზატორების სამოქმედო გეგმის დეტალები დაახლოებით 16:00 საათისთვის გახდება ცნობილი.
კომენტარები