„საქართველოს ბანკზე” თავდასხმისთვის დაკავებულ ნიკოლოზ წურწუმიას ბრალი ოფიციალურად წარუდგინეს. დაკავებულს გამოძიება 144-ე მუხლს ედავება, რაც ორი ან მეტი პირის მძევლად აყვანას გულისხმობს.
პირველ ეტაპზე გამოძიება სისხლის სამართლის კოდექსის 236-ე მუხლითაც მიმდინარეობდა, რაც იარაღის უკანონო ტარებას გულისხმობს, თუმცა იმის გამო, რომ ნიკოლოზ წურწუმიას ცეცხლსასროლი იარაღი არ ჰქონია, ეს მუხლი გამოძიებამ მხედველობაში აღარ მიიღო.
16 აპრილს მეტროსადგურ „ავლაბრის“ მიმდებარედ, „საქართველოს ბანკის“ ფილიალში შეიარაღებული პირი შეიჭრა.
კომენტარები