„საქართველოს ეყო პოლიტიკური გამბედაობა, ჩაბმულიყო ამ პროცესში. მადლობა პარტიებს პრეზიდენტ მიშელის მიერ მოწოდებული შეთანხმების ხელმოწერისთვის, რომელიც კომპრომისს ეფუძნებოდა“, – ამის შესახებ აშშ-ის ელჩმა, კელი დეგნანმა შარლ მიშელის მედიაციით მომზადებული დოკუმენტის ხელმოწერის ცერემონიაზე განაცხადა.
„ჩემთვის დიდი პატივია, რომ აქ, თქვენთან ერთად ვარ. 6 თვის განმავლობაში ძალიან რთული სამუშაო გავწიეთ. აშშ-ის სახელით, მინდა, მადლობა გადაგიხადოთ. ესაა საქართველოს წარმატება. საქართველოს ეყო პოლიტიკური გამბედაობა, ჩაბმულიყო ამ პროცესში. მადლობა პარტიებს პრეზიდენტ მიშელის მიერ მოწოდებული შეთანხმების ხელმოწერისთვის, რომელიც კომპრომისს ეფუძნებოდა. ესაა საქართველოს დემოკრატიის გზაზე გადადგმული ნაბიჯი და მისი გზა ევროატლანტიკური ინტეგრაციისკენ. აშშ-ის სახელით, გილოცავთ და მადლობას გიხდით ამისთვის“, – განაცხადა კელი დეგნანმა.