38 წლის ქართველი კრიმინალური “ავტორიტეტი“ მინდია შეყლაშვილი უკრაინიდან გააძევეს. ამის შესახებ ინფორმაციას უკრაინის ეროვნული პოლიცია ავრცელებს.
ოფიციალური წყაროს ცნობით, შეყლაშვილთან ერთად ქვეყნიდან გაძევებულია მისი კიდევ ერთი თანამზრახველი, რომელიც ასევე ქართველია.
მათ უკრაინის ტერიტორიაზე შესვლა 5 წლის ვადით აეკრძალათ.
მინდია შეყლაშვილი ხარკოვში 2019 წლის დეკემბერში დააკავეს. სტრატეგიული გამოძიების დეპარტამენტის ინფორმაციით, ის ქვეყნის ტერიტორიაზე კრიმინალური სამყაროს წარმომადგენლებთან შეხვედრას და დანაშაულებრივი საქმიანობის მომზადებას გეგმავდა.
კომენტარები