თბილისში, თორნიკე ერისთავის ქუჩაზე, სადაც ძლიერი დაკვამლიანება და ცეცხლის ორი ღია კერა შეინიშნებოდა, ხანძარი ლიკვიდირებულია, – ინფორმაციას საგანგებო სიტუაციების მართვის სამსახური ავრცელებს.
„პირველი მორეაგირე ჯგუფების გადმოცემით, ცეცხლი გავრცელებული იყო სასაწყობე ტერიტორიაზე. მიმდებარე ტერიტორიიდან, მეხანძრე-მაშველებმა, უსაფრთხოების მიზნით, 150-მდე ადამიანი გამოიყვანეს და დაიწყეს ხანძრის ქრობის აქტიური სამუშაოები. არსებობდა ცეცხლის დიდ ფართობზე გავრცელების საფრთხე, თუმცა, დროული რეაგირების შედეგად, მოხერხდა ხანძრის ლოკალიზება და შემდგომში სრული ლიკვიდირება“, – აღნიშნულია განცხადებაში.
შემთხვევის შედეგად არავინ დაშავებულა. ადგილზე სახანძრო-სამაშველო ძალების დეპარტამენტის 12 ჯგუფი მუშაობდა.
კომენტარები