48 მილიონს რომ ადამიანი მოიპარავს საკუთარი აქტივისტებისთვის, გაფლანგავს საკუთარი მიზნებისთვის და იმის ნამუსი არ აქვს, კიდევ ევროპაში არ ირბინოს, – ამის შესახებ ჟურნალისტებს საპარლამენტო უმრავლესობის წევრმა ანრი ოხანაშვილმა ნიკა მელიასა და გიგი უგულავას მიერ სტრასბურგის სასამართლოში შეტანილ სარჩელზე საუბრისას განაცხადა.
მისივე თქმით, ამ საქმეზე საქართველო აუცილებლად გაიმარჯვებს.
„პირიქით კარგია, რაც უფრო მეტი შეიტანს ასეთ სარჩელს, მით უკეთესი საქართველოსთვის. უბრალოდ, საერთაშორისო დონეზე თავს მოჭრიან ჩვენს ქვეყანას. ამ ადამიანებს ერთი მხრივ პრეტენზია აქვთ, რომ პოლიტიკაში იყვნენ და მეორე მხრივ, ზოგი ბიუჯეტის ქურდია,ზოგი პარლამენტის შტურმით აღებას ცდილობდა. შეიტანონ, საქართველო აუცილებლად გაიმარჯვებს“,- განაცხადა ოხანაშვილმა
ნიკა მელიამ, გიგი უგულავამ და მიხეილ სააკაშვილმა საქართველოს წინააღმდეგ სტრასბურგის სასამართლოში სარჩელი შეიტანეს.