“ჩვენთვის მნიშვნელოვანი იყო აზრების გაცვლა იმის შესახებ, თუ როგორ შეიძლება, სხვა კომპანიებმა შეძლონ იმვე გზის გავლა, ვინაიდან მიგვაჩნია, რომ ეს პრეცენდენტი, რაც “პულსარმა” შექმნა დღეს, დიდი სტიმული და მოტივატოროა ყველა იმ ადამიანისთვის, ვინც დაახლოებით იმავე სფეროში იგივე საქმიანობას ეწევა”, – ამის შესახებ Pulsar AI-ის თანადამფუძნებელმა და დირექტორმა, დაჩი ჭოლაძემ საქართველოს პრემიერმინისტრ ირაკლი ღარიბაშვილთან შეხვედრის შემდეგ განაცხადა.
დაჩი ჭოლაძის თქმით, „პულსარის” გუნდმა დაამტკიცა, რომ შესაძლებელია, საქართველოდან შექმნა გლობალური კომპანია.
„შეხვედრა გვქონდა პრემიერმინისტრსა და მის გუნდთან. ვისაუბრეთ ჩვენს ისტორიაზე, როგორ მოვიდა “პულსარი” დაარსებიდან ამ წარმატებამდე. ჩვენთვის მნიშვნელოვანი იყო აზრების გაცვლა იმის შესახებ, თუ როგორ შეიძლება, სხვა კომპანიებმა შეძლონ იმავე გზის გავლა, ვინაიდან მიგვაჩნია, რომ ეს პრეცენდენტი, რაც “პულსარმა” შექმნა დღეს, დიდი სტიმული და მოტივატოროა ყველა იმ ადამიანისთვის, ვინც დაახლოებით იმავე სფეროში იგივე საქმიანობას ეწევა. რაღაც მხრივ, „პულსარის” გუნდმა დაამტკიცა ის, რომ შესაძლებელია, საქართველოდან შექმნა გლობალური კომპანია და მიგვაჩნია, რომ ძალიან ბევრი კარგი გუნდი არსებობს საქართველოში, რომელსაც შეუძლია არანაკლები და კიდევ უფრო მეტი წარმატების მიღწევა.
ამიტომ, მნიშვნელოვანი იყო, რომ ჩვენი აზრები მოისმინეს, თუ როგორ შეიძლება, რომ ხელი შევუწყოთ ამ ყველაფერს”, – აღნიშნა დაჩი ჭოლაძემ.