მიუხედავად იმისა, რომ „ნაციონალურ მოძრაობას“ პარლამენტში ყველაზე დიდი წარმომადგენლობა ჰყავს, რეალურად ის დევალვირებულია, – ამის შესახებ საპროცედურო საკითხთა და წესების კომიტეტის თავმჯდომარემ, უმრავლესობის წევრმა, ირაკლი ქადაგიშვილმა „იმედის კვირაში“ განაცხადა.
მისი თქმით, ოპოზიციური პოლიტიკური პარტიები ცდილობენ, რომ დამოუკიდებელი დღის წესრიგი განსაზღვრონ.
„დღეს პოლიტიკური პარტიები ცდილობენ, რომ დამოუკიდებელი დღის წესრიგი განსაზღვრონ და კიდევ ერთხელ არ მოხვდნენ იმ მანკიერ წრეში, საიდან გამოსვლაც მათ ძალიან გაუჭირდათ. ფსიქოლოგიურად მათ ამის დაძლევა ჯერ კიდევ დიდი ხანი დასჭირდებათ. ისინი ხედავენ, რომ გარკვეულწილად, მათ ამომრჩეველი მნიშვნელოვნად დაკარგეს მთელი ამ პროცესების განმავლობაში“, – განაცხადა ირაკლი ქადაგიშვილმა.
კომენტარები