სამწუხაროა, რომ ასეთი განცხადება მოვისმინეთ. მართლაც, უმრავლესობის პრაქტიკულად ყველა ლიდერი, მათ შორის მეც, პარლამენტში, ჩვენს სამუშაო ადგილებზე ვიყავით, – ამის შესახებ პარლამენტის ვიცე-სპიკერმა, არჩილ თალაკვაძემ „იმედის კვირას“ განუცხადა.
მისი თქმით, გიორგი გახარიას განცხადება მაშინდელ საპარლამენტო ლიდერებს არ ეხებათ.
„როგორც კი საპოლიციო ღონისძიება დაიწყო და გიორგი გახარია მოვიდა პარლამენტში და მას კარგად უნდა ახსოვდეს, რომ ლიდერები ყველანი პარლამენტში ვიყავით. მართალი გითხრათ, გიორგი გახარიას ეს განცხადება ჩვენ თავზე არ მიგვიღია. სიმართლე არის ის, რომ ეს განცხადება ჩვენ არ გვეხება და არ შეიძლება შეგვეხოს. მით უფრო, ამ ფონზე ასეთი შეფასება პარლამენტარების მიმართ გაუგებარი და უსამართლო იყო. სამწუხაროა, რომ ჩვენ და საზოგადოებამ ასეთი განცხადება მოვისმინეთ. მართლაც, უმრავლესობის პრაქტიკულად ყველა ლიდერი, მათ შორის მეც, პარლამენტში, ჩვენს სამუშაო ადგილებზე ვიყავით“, – განაცხადა თალაკვაძემ.
ვინ სად იყო 20 ივნისის ღამეს, დეტალები ნახეთ „იმედის კვირის“ რეპორტაჟში.
ყოფილმა პრემიერ-მინისტრმა, გიორგი გახარიამ განაცხადა, რომ 20-21 ივნისის მოვლენების დროს მას პარლამენტში მმართველი პარტიის დეპუტატები არ დახვედრია.