“ოჯახისთვის ტრაგედიაა, როდესაც შვილს მიუსვენებენ ოჯახს სახლში”

კობა კობალაძე“მარშალპრესის“ პრეს-კლუბში გამართულ პრესკონფერენციაზე კრწანისის ეროვნულ საწვრთნელ ბაზაზე მომხდარ ინცინდენტს ეხმაურება:

„მინდა მივუსამძიმრო ოჯახს, დიდი ტრაგედიაა – 23 წლის ახალგაზრდა კაცი ოჯახიდან მიდის, მითუმეტეს ასეთ ვითარებაში. მეორე საკითხია, რომ აღნიშნული შემთხვევა მოხდა დაცულ ტერიტორიაზე, სხვათაშორის ეს არის დიდი ინტერესის არეალი, არამარტო საქართველოსთვის. ბევრი საერთაშორისო მხარე, მათ შორის აშშ-ის წარმომადგენლებმა და უშუალოდ ელჩმა გამოთქვა მზადყოფნა, რომ თვითონვე ჩაერთონ ამ საკითხის ბოლომდე გარკვევასა და გამოძიებაში, გაუწიონ შესაბამისი დახმარება საქართველოს მხარეს. აქედან გამომდინარე, ეს საკითხი არ არის მარტო ერთი ინტერესესის გამომხატველი, აქ არის რამდენიმე პოზიცია, სახელმწიფო ინტერესთან ერთად, არის საპარტნიორო პოზიციების ინტერესთა სფერო, აქედან გამომდინარე, ეს ყველაფერი ჩემი აზრით, უმოკლეს ვადებში იქნება შესწავლილი, გამოძიებული და კონკრეტული პოზიცია გამოხატული. კიდევ ერთხელ ვიმეორებ, აღნიშნული შემთხვევა მოხდა დაცულ ტერიტორიაზე, სადაც უცხო პირების გადაადგილება არის შეზღუდული, არამარტო კანონით და ნორმატიული აქტებით, არამედ შიდა საყარაული განაწესით და გამოყოფილია კონკრეტულად საგუშაგო შემადგენლობა, რომელიც უზრუნველყოფს იმას, რომ აღნიშნული პერიმეტრი დაიცვას უცხო პირების შეღწევისგან. რა ინფორმაციას გვაქვს, გუშაგმა კანონის დაცვით იმოქმედა, იყო სიტყვიერი შეძახილით გაფრთხილება, იყო ჰაერში გასროლა, იმის შემდეგ როდესაც მის ამ გაფრთხილებას არ დაემორჩილნენ, შემდეგ იყო მიზანი. ამ საქმეზე დაწყებულია გამოძიება. თუმცა, ამაზე ბევრმა დაიწყო აპელირება იმაზე, რომ ეს გამოძიება დაწყებულია გაუფრთხილებლობით თუ ასე შემდეგ, კვალიფიცირება რას მიიღებს და რა მიმართულებით განვითარდება პროცესი ამას უნდა დაველოდოთ. ამაში კომპეტენეტური ხალხია ჩართული, ინფორმაციული უზრუნველყოფაც მათ გაცილებით უფრო უკეთესი აქვთ და იმედია გაიკვევა ეს ყველაფერი.
ჩვენ გვესმის რომ ოჯახისთვის ტრაგედიაა, როდესაც შვილი მიუსვენეს ოჯახს სახლში. მათ აქვთ ვალდებულება, რომ ჰქონდეთ თავიანთი პოზიცია და გამოხატონ ეს პოზიცია. მაგრამ ჭეშმარიტება ერთია და ამ ჭეშმარიტებას გამორიცხვის თუ ფაქტობრივი გარემოებების თანხვედრის პრინციპით დაადგენენ“,– განაცხადა კობა კობალაძე.