ჩვენ რა თქმა უნდა დიდი ინტერესით ველოდებით, როგორი იქნება კახა კალაძის ხედვა მომდევნო 4 წლის განმავლობაში. დარწმუნებულები ვართ, უამრავი ახალი პროექტი განხორციელდება იმისთვის, რომ კიდევ უფრო მეტი სიცოცხლე შევიდეს თბილისის თითოეულ უბანში, – ამის შესახებ ირაკლი კობახიძემ „იმედის კვირასთან“ საუბრისას განაცხადა. „ქართული ოცნების“ თავმჯდომარის თქმით, კალაძის კანდიდატურა მმართველი გუნდისთვის უალტერნატივო იყო.
„კახა კალაძე იყო უალტერნატივო კანდიდატი პარტიის თითოეული წევრისთვის, პოლიტიკური საბჭოს თითოეული წევრისთვის. აქედან გამომდინარე, ძალიან მარტივად მიიღო თითოეულმა ჩვენგანმა ეს გადაწყვეტილება. პირველ რიგში, ველოდებოდით კახა კალაძეს პოზიციას ამასთან დაკავშირებით. კახა კალაძე იყო ძალიან კარგი მერი და არა მარტო კარგი, ის იყო თბილისის საუკეთესო მერი, ვინც კი ჰყოლია ამ ქალაქს ისტორიის განმავლობაში“, – განაცხადა კობახიძემ.