ლონდონში, ცივი იარაღით თავს დაესხნენ ქალს, რომელსაც Charlie Hebdo-ს მაისური ეცვა.
გავრცელებული ინფორმაციით, ინციდენტი 25 ივლისს, ჰაიდ-პარკის ტერიტორიაზე მოხდა. ამჟამად 39 წლის ქალის სიცოცხლეს არაფერი ემუქრება.
პოლიციაში აცხადებენ, რომ ინციდენტის ადგილზე დანა იპოვეს და მოწმეებს სთხოვენ, პოლიციას დაუკავშირდნენ.
„ამჟამად გამოძიება საწყის ეტაპზეა. ვცდილობთ ბოროტმოქმედის ადგილმდებარეობა დავადგინოთ. ყველას ვთხოვთ, მომხდარის მოტივებთან დაკავშირებით სპეკულაციისგან თავი შეიკავონ , ვიდრე ინციდენტის ყველა გარემოება არ დადგინდება“, – განაცხადეს ლონდონის პოლიციაში.
კომენტარები