პარიზის ცენტრში ბოლო ერთი კვირის განმავლობაშ მეორე საიუველირო მაღაზია გაძარცვეს.
როგორც სააგენტო „როიტერი“ პოლიციაში არსებულ წყაროზე დაყრდნობით წერს, საფრანგეთის დედაქალაქის ცენტრში მდებარე სამკაულების მაღაზია Dinh Van-ში ელექტროშოკერითა, ცრემლსადენი გაზის აეროზოლით და ცეცხლსასროლი იარაღით შეიარაღებული ორი პირი შეიჭრა. არსებული მონაცემებით, წაღებულია 2 მილიონამდე ევროს ღირებულების ნივთები.
აღსანიშნავია, რომ მიმდინარე კვირის დასაწყისში პარიზში გაძარცვეს შანზელიზეზე მდებარე ერთ-ერთი უძველესი საიუველირო მაღაზია Chaumet. მოგვიანებით, დააკავეს ორი ეჭვმიტანილი, ასევე ნაპოვნია მაღაზიიდან წაღებული დაახლოებით ორი მილიონი ევროს ღირებულების ძვირფასეულობა.
კომენტარები