კახეთში უბედური შემთხვევა მოხდა. გურჯაანის მუნიციპალიტეტის სოფელ ახაშენში, ერთ-ერთი ავტოსახელოსნოს ხელოსანს სპეციალურ მოწყობილობაზე აწეული მანქანა დაეცა.
მამაკაცი სასწრაფო დახმარებამ „ჯეო ჰოსპიტალსის“ საავადმყოფოში გადაიყვანა, თუმცა, ექიმებმა პაციენტის გადარჩენა ვეღარ შეძლეს.
„შუა ხნის კაცს, თავის არეში, მკვრივი, ბლაგვი საგნით მიყენებული ჭრილობები აღენიშნებოდა. თავი ასიმეტრიული იყო. სასწრაფოდ გაკეთდა ნეოროქირურგიული ოპერაცია, მაგრამ, მიუხედავად აქტიური ჩარევისა და რეანიმაციული ღონისძიებებისა, დაზიანება სიცოცხლესთან შეუთავსებელი აღმოჩნდა“, – ამბობს ექიმი გელა ორველაშვილი.
კომენტარები