ოპოზიციურ პარტიებთან ვერანაირი მოლაპარაკების საჭიროებას ვერ ვხედავ. ჰქონდათ მათ შანსი, შემოერთებოდნენ სრულად შეთანხმებას, – ამის შესახებ ირაკლი კობახიძემ „იმედის კვირასთან“ ინტერვიუში განაცხადა.
„ქართული ოცნების” თავმჯდომარემ კიდევ ერთხელ განმარტა, თუ რამ გამოიწვია 19 აპრილის შეთანხმების ანულირება. მან ოპოზიციის ნაწილის პასუხისმგებლობაზე ისაუბრა.
„პრინციპში, ერთხელ უკვე იყვნენ ბოიკოტში, გასულები იყვნენ უფრო სწორად და ახლა როგორც ჩანს ორმაგი ბოიკოტი აქვთ გამოცხადებული. ეს არ ვიცი, რას ნიშნავს, მაგრამ ნუ, როგორც არის.
ოპოზიციურ პარტიებთან ვერანაირი მოლაპარაკების საჭიროებას ვერ ვხედავ. ჰქონდათ მათ შანსი, შემოერთებოდნენ სრულად შეთანხმებას, რომელსაც 19 აპრილს მოვაწერეთ ხელი, თუმცა ეს არ გაკეთდა. განსაკუთრებით მთავარი ოპოზიციური პარტიის მხრიდან, რითაც მათ პრაქტიკულად მოახდინეს ამ შეთანხმების ანულირება. ეს იყო მათი ნაბიჯი და ბუნებრივია, მათმა ნაბიჯმა გამოიწვია ეს ყველაფერი. ასეთ ვითარებაში არანაირი საჭიროება მოლაპარაკებების აღარ არსებობს“, – განაცხადა კობახიძემ.