ჯანდაცვის მინისტრის მოადგილის თამარ გაბუნიას განცხადებით, აქტიური შემთხვევების რაოდენობით საქართველო ნოემბერ-დეკემბრის პიკის პერიოდში არსებულ მდგომარეობას გაუთანაბრდა.
მისი თქმით, ქვეყანაში ეპიდემიოლოგიური მდგომარეობა საკმაოდ რთულია.
“ეპიდემიოლოგიური მდგომარეობა საკმაოდ რთულია, გასული კვირის განმავლობაში შემთხვევების რაოდენობა იყო თითქმის სტაბილურად 3000-მდე, რაც ბუნებრივია ქმნის სერიოზულ ზეწოლას ჯანდაცვის სექტორზე. ჰოსპიტალური სექტორი არის მაქსიმალურად მობილიზებული, ყოველდღიურად ერთვება დამატებითი საწოლფონდი. შემთხვევების რაოდენობით ჩვენ გავუთანაბრდით ნოემბერ-დეკემბრის პიკის პერიოდში არსებულ მდგომარეობას.
პრაქტიკულად. ჩვენ უკვე კოვიდკლინიკად გადავაკეთეთ ყველა ის დაწესებულება, რომელიც პანდემიის პროცესში თავიდანვე იყვნენ კოვიდპაციენტების მიმღები,” – განაცხადა თამარ გაბუნიამ.