ებრაჰიმ რაისი ირანის პრეზიდენტის მოვალეობების შესრულებას ოფიციალურად შეუდგა. ინაუგურაციის ცერემონია ირანის პარლამენტში გაიმართა.
19 ივნისს ირანის საპრეზიდენტო არჩევნებში ებრაჰიმ რაისმა გაიმარჯვა. ებრაჰიმ რაისმა 17.6 მილიონი ხმა მიიღო.
3 აგვისტოს ირანის უზენაესმა ლიდერმა, აიათოლა ალი ხამენეიმ ებრაჰიმ რაისი ირანის პრეზიდენტის თანამდებობაზე დაამტკიცა.
ირანის არჩეულმა პრეზიდენტმა, ებრაჰიმ რაისმა განაცხადა, რომ ირანი აშშ-ის მიერ დაწესებული ტირანული სანქციების გაუქმებისთვის იბრძოლებს.
„ჩვენ სანქციების გაუქმების კუთხით ვიმუშავებთ, თუმცა ხალხის ცხოვრების დონეს უცხოური სახელმწიფოების ნებას არ დავუკავშირებთ“, – აღნიშნა ებრაჰიმ რაისმა.
კომენტარები