საინფორმაციო სააგენტო “ექსკლუზივ ნიუსის” დამფუძნებელი, ჟურნალისტი დარეჯან ლიპარტელიანი სოციალურ ქსელში პოსტს აქვეყნებს.
“სულ ცოტა ხნის წინ, ისე რიხიანად ამბობდნენ, ნაცები და ჩვენი გენიოსი კოლეგები, ასევე მათთან ასოცირებული არასამთავრობო ორგანიზაციებიც, რომ მეგის ქარდავას უფლებების დაცვა, ევროკავშირმა და ამავე კავშირთან ასოცირებულმა ორგანიზაციებმა, საკუთარ თავზე უკვე აიღესო, რომ ვიფიქრე, მიშას მარჯვენა ხელს, იგივე მეგის ქარდავას, ალბათ, ვერასდროს ვიხილავ საქართველოში ექსტრადირებულს და დაპატიმრებულსთქო და უცებ, სრულიად მოულოდნელად, მოწმენდილ ცაზე, მეხი გავარდა და თავზე დაეცა, ყველა იმ არაადამიანს, ვინც ამ ველური ადამიანის მხარდამჭერია დღესაც და ასევე იმ ხალხს, ვისაც ქვეყნის წინსვლა და წარმატება, გულზე გადგათ და ყველაფერს აკეთებთ, იმისათვის რომ, არეულობა და ქაოსი შექმნათ ქვეყანაში….
პრემიერს, ღიად და საჯაროდ, ყველა აკრძალული და ბინძური მეთოდებით ებრძვით, რადგანაც იცით ეს ახალგაზრდა კაცი, ყველა დუშმანს და მოღალატეს, სათანადოდ დასჯის და სწორედ ისე მოიყვანს სისრულეში, ყველა დაწყებულ საქმეს, თუ დაპირებას, როგორც მეგის ქარდავას დაკავებას და ექსტარადაციას მოესწრო ქართველი ხალხი….
ასევე, ღმად ვარ დარწმუნებული იმაში და მისხალი ეჭვიც კი არ მაქვს რომ, მეგის ქარდავას და სააკაშვილის კლანს ამ ქვეყანაში, ხელს უწყობდა გიორგი გახარიას პრემიერობაც და მის დაპატიმრებას, ასევე ხელს გიორგი გახარია უშლიდა, სხვა უამრავ ხელშემშლელ მიზეზებთან ერთად…. უფრო კონკრეტულად კი, გახარია ლობირებდა, ყველა დამნაშავე და ძებნილ ნაციონალს, მათ შორის მეგის ქარდავასაც…
დიახ, მრავალ დანაშაულში ეჭვმიტანილი და ძებნილი მეგის ქარდავა, დღეს უკვე დაკავებულია და ეს ცხადია, პრემიერის დიდი ძალისხმევით მოხდა. თუმცა, პარადოქსია, მაგრამ ფაქტია, რომ ნაცების “სისხლიანი ქრონიკების” “შემსრულებელი” – მეგის ქარდავა, უკვე საქართველოშია როგორც პატიმარი და მისი მთავარი “დამკვეთი”, – მიხეილ სააკაშვილი კი აშშ-ში გულაობს….
მეგის ქარდავა რომელიც სააკაშვილის სისხლიანი რეჟიმის, ერთ-ერთი ყველაზე გავლენიანი მწამებელ-მწვალებელი იყო და მის კისერზე, უამრავი დანაშაულობებია, მისმა დამკვეთმა სააკაშვილმა, საჯაროდ განაცხადა, – მე მას არასოდეს შევხვედრივარ და არ ვიცნობო…
კაცის დაჭერა არასდროს უნდა ახარებდეს ნორმალურ ადამიანს, მაგრამ როგორც იტყვიან ხოლმე, სამართალმა პური ჭამაო, სწორედ ამაზეა ნათქვამი…
ისე, რაც არ უნდა უარყოს სააკაშვილმა მეგის ქარდავასთან ნაცნობობა, ყველამ ვიცით რომ, ქარდავა სააკაშვილის ბინძური დავალებების ერთ-ერთი კარგი შემსრულებელი იყო… ცხადია, მისმა დაკავებამ, ნაცებში დიდი არეულობა და პანიკა გამოიწვია. არავინ ელოდა, რომ არჩევნებამდე, ქარდავას აქ ბორკილებდადებულს თუ ჩამოაბრძანებდნენ უკრაინიდან. ეს ყველასთვის, ძალიან მოულოდნელი იყო…ასე რომ, გახარიას გულზე ცეცხლი უკიდია და საფიქრალიც გაუჩნდა, რადგანაც მიშა არაფრით არ აპატიებს, გიორგი გახარიას, იმ კრახს, რაც მეგის ქარდავას დაკავებით გახარია-სააკაშვილის ტანდემმა განიცადა. დიდი ალბათობით, სამაგიეროს გადახდა, უმძიმესი ხარკი იქნება გახარიასთვის…
საბოლოო რეალობა კი ასეთია: ირაკლი ღარიბაშვილმა მეგის ქარდავას ექსტრადირებით, გახარია-სააკაშვილის ალიანს, საკონტროლო გასროლა, შიგ თავში დააჭედა…
ბოლოს კი, ერთს ვიტყვი… ეს ერთი და სხვა მრავალი!”- წერს ჟურნალისტი.