ცნობილი ბრიტანელი მოკრივე ამირ ხანი „ამერიკის ავიახაზების“ რეისიდან მოხსნეს, – ამის შესახებ BBC წერს.
34 წლის სპორტსმენის თქმით, კიდევ ერთ პირთან ერთად, თვითმფრინავიდან მას შემდეგ ჩამოსვეს, რაც ერთ-ერთმა მგზავრმა დაიჩივლა, რომ ხანის თანმხლებ კოლეგას პირბადე ცხვირს სათანადოდ არ უფარავდა.
ავიაკომპანია წესების დაუცველობაში არა მხოლოდ მის თანმხლებს, არამედ თავად ხანსაც ადანაშაულებს.
ავიაკომპანიის ცნობით, თვითმფრინავის გასასვლელთან დაბრუნება მოუწიათ, რადგან „ორმა მგზავრმა უარი თქვა ეკიპაჟის წევრების მოთხოვნის შესრულებაზე – შეენახათ ბარგი განკუთვნილ ადგილზე, გადაეყვანათ მობილურები თვითმფრინავის რეჟიმზე და დაეცვათ სახის დაფარვასთან დაკავშირებული მოთხოვნები“.
თვითმფრინავმა შიდა ფრენა – ნიუარკი-დალასი ამირ ხანისა და მისი კოლეგის გარეშე შეასრულა.
კომენტარები