მე ამ ბანერებს კიდევ დავუმატებდი სტრასბურგის სასამართლოს გადაწყვეტილებების ამონარიდებს გირგვლიანის, ვაზაგაშვილის საქმეებზე და ა.შ. იქ ალბათ, იქნებოდა ადგილი იმისთვის, რომ მათი რეალური სახე გამყარებულიყო სწორედ სტრასბურგის სასამართლოს გადაწყვეტილებებით, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა, რომელიც გამოეხმაურა ოპოზიციის საწინააღმდეგო ბანერებს წარწერით: „არა ნაცებს, არა ბოროტებას, არა ღალატს“.
მისი თქმით, აღნიშნული ბანერები „რადიკალური პილიტიკური ჯგუფების რეალურ სახეს წარმოაჩენს“.
„ჩვენ ყოველთვის საქმიან ფორმატზე ვართ ორიენტირებული და ვესაუბრებით საზოგადოებას, ამომრჩეველს და მოსახლეობას ვთავაზობთ კონკრეტულ პროგრამას ადგილობრივი თვითმმართველობის არჩევნებისთვის, თუმცა რადიკალური პოლიტიკური ჯგუფები ირჩევენ რადიკალიზაციის გზას, სიძულვილის ენას. ეს ბანერები კი არის იმ ადამიანების რეალური სახე. მათ, ვინც გადაწყვიტეს ამის გაკვრა, იმ ადამიანების რეალური სახეები წარმოაჩინეს“, – განაცხადა ანრი ოხანაშვილმა.