საქართველოს საგარეო საქმეთა სამინისტრო გმობს ყირიმის ავტონომიური რესპუბლიკისა და ქალაქ სევასტოპოლის ანექსიას და შესაბამისად, არ ცნობს ყირიმსა და ქალაქ სევასტოპოლში 2021 წლის 17-19 სექტემბერს, რუსეთის ფედერაციის მიერ ჩატარებულ საპარლამენტო არჩევნებს, რომელიც წარმოადგენს საერთაშორისო სამართლის ნორმებისა და უკრაინის კანონმდებლობის უხეშ დარღვევას.
საქართველოს საგარეო საქმეთა სამინისტროში აცხადებენ, რომ უწყება კვლავ ადასტურებს უკრაინის სუვერენიტეტისა და ტერიტორიული მთლიანობისადმი ურყევ მხარდაჭერას, მისი საერთაშორისოდ აღიარებული საზღვრების ფარგლებში.
ოფიციალური მონაცემებით, რუსეთში საპარლამენტო არჩევნებში მმართველი პარტია „ერთიანი რუსეთი“ იმარჯვებს, რომელსაც პარლამენტში უმრავლესობა ექნება.
კომენტარები