რუმინეთის ქალაქ ბაკეუში 30 წლის გაუჩინარებული ადგილობრივი მცხოვრები სახლში დაბრუნდა. 93 წლის კაცს ის ტანსაცმელი ეცვა, რომელშიც ბოლოს ნახეს. ამის შესახებ ადგილობრივი Adevărul წერს.
კაცი მთელი ცხოვრება მსხვილფეხა ცხოველებით ვაჭრობდა ვიდრე ერთ დღეს სახლიდან გავიდა და გაუჩინარდა. შემთხვევა 1991 წელს მოხდა. ხანგრძლივი ძებნის შემდეგ ის მკვდრად შერაცხეს და ოჯახის წევრები ტაძარში მისი სულის მოსახსენიებელ პარაკლისებს იხდიდნენ.
2021 წელს აგვისტოს ბოლოს, გაუჩინარებული კაცის სახლთან მანქანა გაჩერდა. მეზობლებმა დაინახეს, რომ მანქანიდან 30 წლის წინ დაკარგული გორგოში გადმოვიდა, რომელიც ამ დროისთვის 93 წლისაა.
თავიდან ოჯახი ამ ამბავს ვერ იჯერებდა და ფაქტი ცუდი ხუმრობა ეგონა. კაცი ძალიან კარგად გამოიყურებოდა და არ ახსოვდა, რა მოხდა ბოლო 30 წლის განმავლობაში და აცხადებდა, რომ სახლში იმყოფებოდა. კაცს პერანგის ჯიბეში საბუთები და 1991 წლით დათარიღებული მატარებლის ბილეთი ჰქონდა.
ოჯახი მიიჩნევს, რომ დკარგული მოხუცი ვიღაცამ შენიშნა და საბუთებში მითითებულ მისამართზე მიიყვანა.