საპარლამენტო უმრავლესობის წევრი შალვა პაპუაშვილი ექსპრეზიდენტ მიხეილ სააკაშვილის განცხადებას ეხმაურება და აცხადებს, რომ ზიზღის ენის გამავრცელებლები „ნაციონალური მოძრაობის“ წევრები არიან.
მისი თქმით, შეურაცხმყოფელი განცხადებები დასაგმობია.
„ზიზღის ენაზე საუბრობენ და თავად არიან ზიზღის ენის მთავარი გამავრცელებლები. ჩვენმა კვლევამაც ეს აჩვენა. ამ კვლევის გარეშეც დამეთანხმებით, სოციალურ მედიაში თუ შეხვალთ, ვინც ავრცელებს ზიზღის ენას, ეს გახლავთ სწორედ „ნაციონალურ მოძრაობა“, ზოგიერთი მედია და სამწუხაროდ, ზოგიერთი ჟურნალისტი. მთავარი გახლავთ ერთი რამ, რომ ვაღიაროთ, ეს არის ის სპირალი, სადაც მთლიანად საზოგადოება არის შესული და ამ სპირალიდან საჭიროა გამოსვლა. რაც შეეხება შეურაცხმყოფელ და ანტისემიტურ გამონათქვამებს, მათ შორის, ეს დასაგმობია“, – განაცხადა პაპუაშვილმა.