ჩემი შეფასებით, ის შედეგები რაც გამოქვეყნებული იყო IPSOS-ის კვლევაში არ შეესაბამება რეალურ სურათს, – ამის შესახებ ფინანსთა მინისტრმა მთავრობის სხდომის შემდეგ გამართულ ბრიფინგზე განაცხადა.
„ყოველი არჩევნების წინ ვხედავთ გარკვეულ კვლევებს, ასევე ვხედავთ იმ პროცესს, რომლის მიხედვითაც მნიშვნელოვანი ცდომილება არის ხოლმე გამოქვეყნებულ პროგნოზებსა და რეალურ სურათს შორის. ჩემი შეფასებით, ის შედეგები რაც გამოქვეყნებული იყო IPSOS-ის კვლევაში, არ შეესაბამება რეალურ სურათს“, – განაცხადა ხუციშვილმა.
„მთავარი არხის” დაკვეთით IPSOS-ის მიერ ჩატარებული კვლევის შედეგის მიხედვით, კითხვაზე: „შემდეგ კვირას რომ ადგილობრივი თვითმმართველობის არჩევნები ტარდებოდეს, ვის მისცემდით ხმას“ პასუხები ასე გადანაწილდა: „ქართული ოცნება“ – 35%; „ერთიანი ნაციონალური მოძრაობა“ – 30%, „საქართველოსთვის – 9%, „ევროპული საქართველო“ – 4%, „ხალხისთვის – 4%, „ლელო“ – 3%, „მესამე ძალა“ – 3%, „ლეიბორისტული პარტია“ – 3%, „გირჩი – მეტი თავისუფლება“ – 2%, „პატრიოტთა ალიანსი“ – 2%, „დროა“ – 1%, „მოქალაქეები“ – 1%, სხვა პარტიები – 3%.