მგონი, ახლა ცესკო-ს ისეთი პერიოდი უდგას, რომ ნებისმიერ შემთხვევაში, მის თავს ვნებათაღელვა, მითქმა-მოთქმა იქნება, მათ შორის ტალახის სროლა, – ამის შესახებ ოპოზიციონერმა დეპუტატმა, „გირჩის“ ერთ-ერთმა ლიდერმა იაგო ხვიჩიამ განაცხადა.
მისი თქმით, მთავარია, ცესკო-მ არჩევნები პატიოსნად ჩაატაროს და კითხვებზე დამაჯერებელი, ამომწურავი პასუხი ჰქონდეს.
„მგონი, ახლა ცესკო-ს ისეთი პერიოდი უდგას, რომ ნებისმიერ შემთხვევაში, მის თავს ვნებათაღელვა, მითქმა-მოთქმა იქნება, მათ შორის ტალახის სროლა და ა.შ. მთავარია, ცესკო-მ არჩევნები პატიოსნად ჩაატაროს და კითხვებზე დამაჯერებელი, ამომწურავი პასუხი ჰქონდეს. თუ ეს დადასტურდება, მის დისკრედიტაციას აზრი არ ექნება. შეიძლება, ადამიანები ცესკო-ს თავმჯდომარეზე არ ლოცულობდნენ, მაგრამ მგონი, რეპუტაციულ ზიანს აიცილებს, თუ ყველა კითხვაზე იქნება პასუხები“, – განაცხადა იაგო ხვიჩიამ.