თალიბანის წარმომადგენელი დელეგაცია მომავალ კვირას რუსეთის დედაქალაქში დაგეგმილ ე.წ. მოსკოვის ფორმატის მოლაპარაკებებს შეუერთდება.
Reuters-ის ცნობით, მოლაპარაკებებში მონაწილეობას რუსეთის, ჩინეთის, პაკისტანის, ინდოეთის და ირანის დელეგაციები მიიღებენ, ავღანეთის მხარეს კი თალიბები წარმოადგენენ.
მიუხედავად იმისა, რომ ოფიციალური რუსეთი თალიბანს ავღანეთის ლეგიტიმურ მთავრობად ჯერაც არ აღიარებს, პრეზიდენტ ვლადიმირი პუტინის სიტყვებიიმაზე მიუთითებს, რუსეთის დამოკიდებულება თალიბანის მიმართ, შესაძლოა, შეიცვალოს.
შანხაის თანამშრომლობის ორგანიზაციის კონფერენციაზე პუტინმა რეგიონში მშვიდობიანი გარემოს შექმნის აუცილებლობაზე ისაუბრა და თქვა, რომ რუსეთის ფედერაცია მზად არის, ითანამშრომლოს ავღანეთის ახალ მთავრობასთან.
პუტინის თქმით, საერთაშორისო საზოგადოებამ თალიბანსა და ავღანეთზე დაწესებული შეზღუდვების მოხსნის საკითხი უნდა განიხილოს და ახალ მთავრობას გაყინული აქტივები დაუბრუნოს.