შინაგან საქმეთა სამინისტრო, 14 ოქტომბერს, თბილისის საკრებულოს შენობაში არსებული ტექნიკური საშუალებების შესახებ განცხადებას ავრცელებს.
„აღნიშნული მოძრავი რეპიტერია, წარმოადგენს საპოლიციო ინფრასტრუქტურას, რომელიც აძლიერებს, როგორც რადიოსიგნალის მექანიზმს, ასევე, ფიჭურ მობილურ კავშირს. ის გამოიყენება საპოლიციო დანაყოფებს შორის გამართული მუშაობის მიზნით. აღნიშნული ტექნიკის მობილიზება ხდება ყველა იმ შემთხვევაში, სადაც შესაძლოა, გახდეს საჭირო მასების მართვა და შეუფერხებელი კომუნიკაციის დამყარება საპოლიციო დანაყოფებს შორის, როგორც რადიოსადგურის, ასევე, მობილური კავშირის მეშვეობით“, – აღნიშნულია უწყების განცხადებაში.
„ნაციონალური მოძრაობის“ წევრმა გაავრცელა ინფორმაცია, თითქოს, გუშინდელ აქციაზე, საკრებულოს შენობაში ხმის ჩამწერი და სიგნალის ჩამხშობი მოწყობილობა იყო დამონტაჟებული.