იუსტიციის მინისტრის, რატი ბრეგაძის განცხადებით, ექიმი ნიკოლოზ ყიფშიძე უკვე რამდენჯერმე იმყოფებოდა პატიმარ მიხეილ სააკაშვილთან, ხოლო მისი ბოლო მიმართვისას არ იყო დაცული შესაბამისი ფორმა.
მინისტრის თქმით, ექიმსაც და სააკაშვილის ადვოკატსაც განემარტათ, რომ შესაბამისი განცხადების წარმოდგენის შემდეგ ის მიიღებს ნებართვას.
„მას აქამდე საერთოდ არ ჰქონია სააკაშვილის მონახულების პრობლემა და არც მომავალში ექნება. უბრალოდ, ყველანი უნდა მივეჩვიოთ იმას, რომ კანონი უნდა დაიცვას ყველამ და როდესაც დადგენილია შესაბამისი წესით მიმართვის ფორმა, ბუნებრივია, ეს წესი დაცული უნდა იყოს. ასევე გეტყვით, რომ სააკაშვილთან შეუზღუდავად შედიან მისი ადვოკატები, პარლამენტის წევრები, ოჯახის წევრები და უკრაინის წარმომადგენლები, მათ შორის უკრაინის პარლამენტის წევრი“, – აცხადებს რატი ბრეგაძე.