„კოლექტიური კუბილიუსის“ შემდეგ, სააკაშვილის მხარდამჭერ ფერხულში „ახალი სახე” – ევროპარლამენტარი რაფაელ გლუკსმანი გამოჩნდა“, – ასე ეხმაურება ექსპერტი ზაალ ანჯაფარიძე სოციალურ ქსელში ევროპარლამენტარების ანდრიუს კუბილიუსისა და რაფაელ გლუკსმანის განცხადებებს.
როგორც ექსპერტი აღნიშნავს, გლუკსმანი სააკაშვილის მხარდამჭერ ფერხულში ჩაერთო, მაშინ, როდესაც მისი დაჭერიდან დღემდე, ჩუმად იყო.
„როგორც უკვე აღვნიშნე მედიასთან, სააკაშვილის საერთაშორისო აქციები განუხრელად ეცემა და იქაური მხარდამჭერების წრე „კოლექტიურ კუბილიუსს” ვერ გასცდა ჯერჯერობით. თუმცა, ამ ბოლო დროს „ახალი სახე” გამოჩნდა ევროპარლამენტარი რაფაელ გლუკსმანი (ცნობისთვის შს მინისტრის მაშინდელი მოადგილის ეკა ზღულაძის ქმარი), ასევე სააკაშვილის ოფიციალური მრჩეველი, რომელსაც სახელმწიფო ბიუჯეტიდან სხვადახხვა მომსახურებისთვის გადახდილი აქვს 400,000 ლარამდე. ეტყობა მასაც, ისევე როგორც ზოგიერთ “მამაოს”, შეახსენეს რაღაცები და ახლა ისიც ჩაერთო სააკაშვილის მხარდამჭერ ფერხულში, მაშინ, როდესაც სააკაშვილის დაჭერიდან დღემდე პირი ჰქონდა დამუწული“, – წერს Facebook-ზე ანჯაფარიძე.