„შექმნილი სიტუაციიდან კარგი გამოსავალი არის სამმხრივი ბარტერი. ჩემი აზრია, რომ დიჯეი ბრაუნი, იგივე დავით არახამია გავცვალოთ მიხოში, მიხო გავცვალოთ უკრაინის ეროვნული ბანკის ყოფილ პრეზიდენტში ვალერია გონტარევაში, ხოლო გონტარევა გავცვალოთ ეკონომიკის მინისტრში, ტიმოფეი მილოვანოვში“. ამის შესახებ „უკრაინა 24″-ის ეთერში უკრაინელმა პოლიტიკოსმა და საზოგადო მოღვაწემ დიმიტრი სპივაკმა განაცხადა.
მისი თქმით, ასეთი ბარტერით ყველა კმაყოფილი დარჩება. „მიხო უკრაინის გავლით ბრუნდება აშშ-ში, სადაც მისთვის უსაფრთხოა და იქ ლექციებს კითხულობს, გონტარევა ლონდონიდან კიევში ბრუნდება, აქ იგორ კოლომოისკის ხვდება, მათ ბევრი რამე აქვთ განსახილველი, ჩვენ კი ანაბრებს გვიბრუნებს, ხოლო მილოვანოვი აშშ-ში მიდის, მთავარია, ის „უკრობორონპრომისგან“ რაც შეიძლება შორს იყოს. ამ სქემის მიხედვით, დავით არახამიას, რომელმაც პატრიოტული და სამოქალაქო ვალი შეასრულა, შეუძლია გარკვეული ვადით საქართველოში დარჩეს. მე ეს აზრი ძალიან მომწონს. უბრალოდ Free Misha ეს ისე რა მოწოდებაა და აი ასეთი სქემით ჩვენ ერთსაც გადავარჩენთ, მეორესაც, მესამესაც, მეოთხესაც და, რაც მთავარია, უკრაინას გადავარჩენთ. აი, ხედავთ, როგორი კანფეტის გაკეთება შეიძლება ამ უბრალო მოწოდებიდან – Free Misha. მე ვფიქრობ, რომ მიხეილ ნიკოლოზოვოჩი ამაში დამეთანხმებოდა, რაც შეეხება იმ საკითხს, მზად არის თუ არა საქართველო დიჯეი ბრაუნის, იგივე დავით არახამიას მისაღებად, აქ მე სერიოზული შეკითხვები მაქვს. მე პირადად ვალერია გონტარევას მისაღებად მზად ვარ და ძალიან მინდა, რომ ამერიკამ ტიმოფეი მილოვანოვი წაიყვანოს“ – ამბობს დიმიტრი სპივაკი.