ირაკლი კობახიძე ნიკა მელიას მიერ თბილისის ჩრდილოვანი მთავრობის წარდგენას გამოეხმაურა.
ჟურნალისტებთან საუბრისას, „ქართული ოცნების“ თავმჯდომარემ აღნიშნა, რომ „ნაციონალურმა მოძრაობამ“ კოალიციური მთავრობა ჯერ კიდევ არჩევნების პირველ ტურამდე წარადგინა და მასში მელიასთან ერთად ელენე ხოშტარია და ზურაბ ჯაფარიძე შედიოდნენ.
„ახლა ამას დაამატეს 2,5%-იანი „ლელო“ და 0%-იანი ბურჯანაძის „პროდასავლური“ პარტია. ეს არის რაღაც უაზრო თამაშები. რა თქმა უნდა, კონკრეტულად თბილისში კახა კალაძე უპირობოდ, დამაჯერებლად მოიგებს არჩევნებს მეორე ტურში და იგივე მოლოდინი გვაქვს დანარჩენ 19 მუნიციპალიტეტშიც“, – განაცხადა კობახიძემ.
კომენტარები