საქართველოს პრემიერ-მინისტრ ირაკლი ღარიბაშვილისა და „ქართული ოცნების“ თავმჯდომარის, ირაკლი კობახიძის შეხვედრები სამეგრელოს რეგიონში გრძელდება, – ამის შესახებ ინფორმაციას პარტია „ქართული ოცნება“ სოციალურ ქსელში აქვეყნებს.
„პრემიერ-მინისტრი და მმართველი პარტიის თავმჯდომარე წალენჯიხაში, მერობის კანდიდატს გოგა გულორდავას, საარჩევნო შტაბის ხელმძღვანელსა და მხარდამჭერებს შეხვდნენ.
შეხვედრას ესწრებოდნენ მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია.
დღესვე შეხვედრა გაიმართება ზუგდიდში“, – აღნიშნულია გავრცელებულ პოსტში.
კომენტარები