ჩვენი მოსახლეობა ძალიან კარგად ხედავს, რომ კახა კალაძემ 4 წლის განმავლობაში შეძლო იმაზე მეტი, ვიდრე მანამდე ყველა მერმა ერთად. შესაბამისად, ის სისტემური მიდგომა, ხედვა და რეფორმები, რომელიც კახა კალაძეს აქვს დაწყებული, გაგრძელდება უფრო წარმატებით მისი მეორე ვადის დროს, – ამის შესახებ „ქრონიკის“ ეთერში პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ განაცხადა.
„თბილისში მცხოვრებმა მოქალაქეებმა და თბილისის სტუმრებმა ძალიან კარგად ვიცით, რომ ქალაქის მართვა პროგრამის გარეშე წარმოუდგენელია. ალბათ, ოპოზიციამ ბოლოს გაიგო, რომ არაფრისმთქმელი იყო მათი მოწოდებები „ქარის წისქვილთან“ ბრძოლის თაობაზე და ამიტომ გადაწყვიტეს, რომ ბანერებით და რაღაც დაპირებებით თვალი აუხვიონ მოსახლეობას. თუმცა ჩვენი მოსახლეობა ძალიან კარგად ხედავს, რომ კახა კალაძემ 4 წლის განმავლობაში შეძლო იმაზე მეტი, ვიდრე მანამდე ყველა მერმა ერთად. შესაბამისად, ის სისტემური მიდგომა, ხედვა და რეფორმები, რომელიც კახა კალაძეს აქვს დაწყებული, გაგრძელდება უფრო წარმატებით მისი მეორე ვადის დროს. მინდა მოვუწოდო ყველა თბილისელს, რომელსაც დაეზარა პირველ ტურზე მისვლა, რადგან დარწმუნებული იყო კახა კალაძის გამარჯვებაში – თითოეული ხმა ძალიან მნიშვნელოვანია, რათა ამ ხელოვნურად შექმნილ ტურბულენტურ პოლიტიკურ აურზაურს ერთხელ და სამუდამოდ ვუთხრათ უარი“, – განაცხადა მაია ბითაძემ.