ფინანსთა სამინისტროს შემოსავლების სამსახურის განცხადებით, „ნაციონალური მოძრაობის” წევრის, დეპუტატ ანა წითლიძის მიერ გავრცელებული ინფორმაცია, თითქოს, შემოსავლების სამსახურის უფროსი ლევან კაკავა, თურქეთში იმყოფებოდა, სადაც კრიმინალურ ავტორიტეტებს შეხვდა, სიცრუე და საზოგადოების შეცდომაში შეყვანის მცდელობაა.
შემოსავლების სამსახური ხაზგასმით განმარტავს, რომ უწყების ხელმძღვანელი 7-10 ოქტომბერს იმყოფებოდა სამუშაო ვიზიტით თურქეთის რესპუბლიკაში, ქალაქ იზმირში და ესწრებოდა სამმხრივ შეხვედრას.
„ფინანსთა სამინისტროს შემოსავლების სამსახური სოციალურ ქსელში გავრცელებულ მორიგ დეზინფორმაციას ეხმაურება, რომელსაც ავრცელებს „ერთიანი ნაციონალური მოძრაობის” წევრი, დეპუტატი ანა წითლიძე, თითქოს, „ლევან კაკავა, შემოსავლების სამსახურის უფროსი, პირველი ტურის გამარჯვების შემდეგ იმყოფებოდა თურქეთში, სადაც შეხვდა კრიმინალურ ავტორიტეტებს,“ რაც არის სრული სიცრუე, მორიგი დეზინფორმაცია და საზოგადოების შეცდომაში შეყვანის მცდელობა.
შემოსავლების სამსახური ხაზგასმით განმარტავს, რომ უწყების ხელმძღვანელი 7-10 ოქტომბერს იმყოფებოდა სამუშაო ვიზიტით თურქეთის რესპუბლიკაში, ქალაქ იზმირში და ესწრებოდა სამმხრივ შეხვედრას. ასევე, შეხვედრას ესწრებოდნენ აზერბაიჯანის რესპუბლიკის სახელმწიფო საბაჟო კომიტეტის თავმჯდომარე საფარ მეჰდიევი და თურქეთის რესპუბლიკის ვაჭრობის მინისტრის მოადგილე რიზა თუნა თურაგაი.
აღნიშნული შეხვედრის შესახებ ინფორმაცია და ფოტო ალბომი განთავსებულია შემოსავლების სამსახურის ვებგვერდზე, ასევე აზერბაიჯანის საბაჟო სახელმწიფო კომიტეტის ვებგვერდზე, აზერბაიჯანისა და თურქეთის ინტერნეტ სააგენტოებში“, – ნათქვამია შემოსავლების სამსახურის მიერ გავრცელებულ განცხადებაში.