მიხეილ სააკაშვილმა დამამახსოვრდა იმედგაცრუებით. საქმე იმაშია, რომ როდესაც ის უკრაინაში ჩამოვიდა, იმედი ჰქონდა, რომ განახორციელებდა იმ რეფორმებს, რომელიც საქართველოში ხორციელდებოდა. როდესაც ის ოდესის გუბერნატორი გახდა, იმედი გვქონდა, რომ ის ადმინისტრაციის კარგი ხელმძღვანელი იქნებოდა. მას ყველაფერი მისცეს. მან პოლიციის და საბაჟოს უფროსებად ქართველები დანიშნა, თუმცა 1 წლის შემდეგ ვერავითარ შედეგებს ვერ მიაღწია, – ამის შესახებ უკრაინელმა პოლიტოლოგმა ვიქტორ უკოლოვმა გადაცემა „იმედი LIVE“-ში განაცხადა.
მისივე თქმით, სააკაშვილი ზოგჯერ ყურადღებას არ აქცევდა კანონებს.
„უკრაინაში ეს შეუძლებელია. აქ გვაქვს დემოკრატიული პროცედურა. 1 წლის შემდეგ სააკაშვილი ადმინისტრაციის ხელმძღვანელი აღარ იყო, გადადგა და დაიწყო უკრაინის ხელისუფლებისთვის ჩირქის მოცხება. საქართველოს გენერალურმა პროკურატურამ მიმართა უკრაინის გენერალურ პროკურატურას და მისი გადაცემა მოითხოვა. უკრაინის მოქალაქეობის მიღებაზე განცხადებაში მან დაწერა, რომ არ არის ნასამართლევი“, – განაცხადა პოლიტოლოგმა.