ფარმაცევტული გიგანტები კორონავირუსის „ომიკრონი“ შტამის საწინააღმდეგო ვაქცინაზე მუშაობენ. ინფორმაციას ამის შესახებ CNBC ავრცელებს.
Pfizer&BioNTech-ი მზადაა უკვე არსებული ვაქცინის ადაპტირებისთვის, რათა ის „ომიკრონის“ წინააღმდეგაც იყოს ეფექტური.
კომპანიაში ელოდებიან ლაბორატორიული კვლევების შედეგების დამუშავებას, რათა დამტკიცდეს, რომ ახალი შტამი ვაქცინის წარმოების ტექნოლოგიის კორექტირებას მოითხოვს. „ომიკრონის“ წინააღმდეგ ვაქცინის ტესტირების შესახებ Johnson&Johnson-ის იუწყება, AstraZeneca-მ კი „ომიკრონის“ პირველი ეპიდაფეთქებების რეგიონებში უკვე კვლევებს ატარებს.
Moderna-ში აცხადებენ, რომ ახალ შტამში არსებულ მუტაციების კომბინაციას „შეიცავს იმის პოტენციურ რისკს, რომ კოვიდის გადატანის და/ან ვაქცინაციის შედეგად გამოწვეული იმუნიტეტი უფრო სწრაფად გაქრეს“. მათივე თქმით, ამჟამად „ომიკრონის“ რისკებისგან თავის დაცვის ერთადერთი საშუალება ვაქცინის „ბუსტერის“ დოზაა. სამხრეთ აფრიკაში, მეცნიერებმა განაცხადეს, რომ კორონავირუსის ახალი ვარიანტი აღმოაჩინეს, რომელსაც უამრავი მუტაცია აქვს. ჯანდაცვის მსოფლიო ორგანიზაციის მთავარმა მეცნიერმა, სუმია სვამინატანმა განაცხადა, რომ ახალ ვარიანტს სპაიკის პროტეინში არაერთი შემაშფოთებელი მუტაცია აქვს. ევროპაში, სამხრეთ აფრიკაში გამოვლენილი კორონავირუსის ახალი ვარიანტის გავრცელების პირველი შემთხვევა დაფიქსირდა. კორონავირუსის „ნიუ“ ვარიანტის გავრცელება ბელგიაში დადასტურდა. ჯანდაცვის მსოფლიო ორგანიზაციამ სამხრეთ აფრიკაში გამოვლენილ კორონავირუსის ახალ ვარიანტს სახელი შეურჩია – „ომიკრონი“.