ნაძალადევის რაიონში, სანზონის N10 ე კორპუსთან და 32-ე საჯარო სკოლის მიმდებარედ გზის რეაბილიტაცია დასრულდა. პროექტის ფარგლებში, მოეწყო ბორდიური, ტროტუარი და ასფალტის საფარი დაიგო. საგზაო ინფრასტრუქტურა ჯამში, 2 600 კვ.მ ფართობზე მოწესრიგდა.
აღნიშნული გზით ადგილობრივი მოსახლეობის გარდა ორი საჯარო სკოლის მოსწავლეები, მშობლები და მასწავლებლები სარგებლობენ. ერთ-ერთ მონაკვეთზე ტროტუარის არარსებობის გამო გადაადგილების პრობლემა ექმნებოდათ ფეხითმოსიარულეებს, რაც ამ ეტაპზე მოგვარებულია.
საგზაო სამუშაოების ღირებულება 137 000 ლარს შეადგენს. ინფრასტრუქტურული პროექტი ნაძალადევის რაიონის გამგეობის დაფინანსებით განხორციელდა.
კომენტარები