დაცვის მხარე და სხვადასხვა სუბიექტური პირი გამუდმებით ცდილობენ, საზოგადოებაში გააჩინონ აღქმა იმისა, რომ მიხეილ სააკაშვილის მხოლოდ პიჯაკებისა თუ სარიტუალო თაიგულის გამო ასამართლებენ. რეალურად, ჩვენ საქმე გვაქვს 9 მილიონი ლარის გაფლანგვასთან. რა თქმა უნდა, მასში შედის პიჯაკებისთვის უკანონოდ გადახდილი თანხა, რაც 9 მილიონი ლარიდან 0,5%-ს შეადგენს, – ამის შესახებ პროკურორმა, გიორგი მუჯირმა გადაცემა „იმედი LIVE“ განაცხადა.
მისივე განმარტებით, ამ 9 მილიონი ლარიდან არც ერთი ლარი არ მოხმარებია სახელმწიფო ინტერესებს და ის მხოლოდ მიხეილ სააკაშვილისა და მისი გარემოცვის კომფორტისთვის დაიხარჯა.
„ასევე დაცვის მხარე მუდმივად ცდილობს წარმოაჩინოს, რომ ეს 9 მილიონი ლარი უნდა გადახდილიყო პრეზიდენტის ადმინისტრაციის მხრიდან. რეალურად, ეს 9 მილიონი ლარი არც ერთი სახელმწიფო უწყების მიერ არ უნდა გახარჯულიყო, ვინაიდან ეს იყო მოლოდ და მხოლოდ მიხეილ სააკაშვილისა და მისი გარემოცვის კომფორტისთვის განკუთვნილი ხარჯები“, – განაცხადა პროკურორმა.