ლაშა ბუღაძის ფეისბუქ პოსტს, სადაც ბუღაძე ბიძინა ივანიშვილის შესახებ ინფორმაციის ისტორიის სახელმძღვანელოში შეტანას ეხმაურება, სოციალურ ქსელში პასუხობს ანალიტიკოსი ზურაბ ქადაგიძე.
ანალიტიკოსი, ლაშა და გია ბუღაძეების პოლიტიკურ სიმპატიებს იხსენებს და წერს, რომ ხელოვანებისა და საჯარო პირების მლიქვნელობა განსაკუთრებით საშიშია.
„მყიფე დემოკრატიაში ყველაზე საშიში ეგრეთწოდებული ხელოვანების, საჯარო პირების მერკანტილური მლიქვნელობაა.
ეს არსება და მამამისი, ჯერ კიდევ რამდენიმე ხნის წინ ბიძინა ივანიშვილის მზეს იფიცებდნენ, ახლა მიშა ჰყავთ ბელადად, ხვალ სხვას ალოკავენ, მაგრამ მთავარი პრობლემა ეს არ არის.
მთავარი პრობლემა ისაა, რომ ამ აყროლებული გვამების გარშემო ადამიანები ცხოვრობენ და ჩვეულ ყოველდღიურობად, ზნეობრივ ლოგიკად აჩვენებენ გარშემომყოფებს მათი გახრწნის ევოლუციას!“ – წერს ზურაბ ქადაგიძე.
ცნობისათვის, ლაშა ბუღაძე სოციალურ ქსელში, გამომცემლობა „დიოგენეს“ მიერ დამუშავებულ ისტორიის სახელმძღვანელოში ბიძინა ივანიშვილის შესახებ განთავსებულ ინფორმაციას გამოეხმაურა.
“ივანიშვილი ისტორიის სახელმძღვანელოს მიღმა აღმოჩნდება… და მთავარი განაჩენიც ეს იქნება. სწორედ ისტორიისგან,“- წერს ლაშა ბუღაძე