მიხეილ სააკაშვილის მხარდამჭერები პრეზიდენტის რეზიდენციასთან იკრიბებიან და ეროვნული შერიგების მოტივით სალომე ზურაბიშვილისგან ყოფილი პრეზიდენტის შეწყალებას ითხოვენ. მათი თქმით, პრეზიდენტ ზურაბიშვილს აქვს ისტორიული შანსი პოლიტიკურად დაპირისპირებული მხარეები შეარიგოს.
ამ დროისთვის, ადგილზე „ნაციონალური მოძრაობის“ მხოლოდ რამდენიმე წევრია მისული. მათ შორის არიან: აკაკი მინაშვილი, ნუგზარ წიკლაური, გიორგი ბარამიძე, ზაალ უდუმაშვილი, გიორგი ბოტკოველი.
6 დეკემბერს, მიხეილ სააკაშვილის ოფიციალურ Facebook-გვერდზე გამოქვეყნდა მისი განცხადება, რომლითაც მმართველ გუნდს მიმართავს: „უახლოეს დღეებში ბრძოლა გამძაფრდება და არ გაჩერდება თქვენს დამარცხებამდე. ან, თუ გონს მოეგებით და წამოხვალთ ეროვნულ შერიგებაზე, სანამ გვიან არაა, ეს ყველასთვის საუკეთესო გამოსავალია“.