შინაგან საქმეთა მინისტრის მოადგილემ დავით ვარდიაშვილმა და დაცვის პოლიციის დეპარტამენტის თავმჯდომარემ გურამ ტომარაძემ შიდა ქართლის რეგიონში, კასპში დაცვის პოლიციის ახალი შენობა გახსნეს. თანამედროვე, ახალი ტექნიკითა და ინვენტარით აღჭურვილ შენობაში შსს-ს დაცვის პოლიციის დეპარტამენტის ქალაქ კასპის ოპერატიული რეაგირების ჯგუფის თანამშრომლები განთავსდებიან.
შიდა ქართლის რეგიონში თანამშრომელთა სამუშაო გარემოს გაუმჯობესების მიზნით წელს ეს უკვე მეორე ახალი შენობაა. 2017 წელს დაცვის პოლიციის ახალი შენობები აშენდა და შევიდა ექსპლუატაციაში: ბათუმში, გარდაბანში, გორში და უკვე კასპშიც. მომსახურების ხარისხის გაზრდისა და თანამშრომელთა სამუშაო გარემოს გაუმჯობესების მიზნით ინფრასტრუქტურული პროექტები მომავალ წელსაც აქტიურად გაგრძელდება და მოიცავს როგორც დედაქალაქში მდებარე, ისე რეგიონებში განთავსებულ დაცვის პოლიციის სამუშაო ოფისებს.
კასპში დაცვის პოლიციის ახალი შენობა გაიხსნა
2016/11/16 15:26:46
ნანახია: 2187 ჯერ