„ერთიან ნაციონალურ მოძრაობაში“ სამდივნო შეიქმნება, რომელიც პარტიის თავმჯდომარესთან ერთად მიიღებს გადაწყვეტილებებს და შემდეგ მათ აღსრულებაზე იქნება პასუხისმგებელი. ამის შესახებ პარტიის გენერალურმა მდივანმა, პეტრე ცისკარიშვილმა განაცხადა.
ცისკარიშვილის თქმით, სამდივნოს შემადგენლობის პრეზენტაცია მომავალ კვირაში გაიმართება.
„პარტიის და ცენტრალური ოფისის მენეჯმენტი ერთია, მაგრამ ჩვენი პარტია დიდია. ჩვენ მთავარი ოპოზიციური პარტია ვართ და მთელ საქართველოში გვინდა გავძლიერდეთ. თბილისში, როგორც დედაქალაქში, კიდევ უფრო მეტი ახალი წევრი უნდა დავიმატოთ, ახალგაზრდული ფრთა უნდა შევქმნათ, რეგიონებში აუთრიჩი უნდა გვქონდეს არა მხოლოდ ჩვენს წევრებთან, არამედ ჩვეულებრივ ხალხთან, იმიტომ, რომ მათამდეც უნდა მივიტანოთ ჩვენი სათქმელი და ალტერნატიული ხედვა. ეს ყველაფერი იქნება ამ სამდივნოს გასაკეთებელი შემდეგი თვეების განმავლობაში“, – განაცხადა ცისკარიშვილმა „მთავარი არხის“ ეთერში.