აშშ-ში, ქალაქ კოლივილში, ტეხასის შტატის პოლიცია მოლაპარაკებებს აწარმოებს კაცთან, რომელმაც სინაგოგაში, სავარაუდოდ, 4 ადამიანი აიყვანა მძევლად, – ამის შესახებ BBC წერს.
პოლიციის ინფორმაციით, ერთი მძევალი უკვე თავისუფალია. მას დაზიანებები არ აქვს.
შემთხვევა ადგილობრივი დროით 11:00 საათზე მოხდა. რელიგიური მსახურება ინტერნეტით პირდაპირ რეჟიმში გადაიცემოდა, როდესაც კაცი სინაგოგაში შეიჭრა. ის ამტკიცებს, რომ შეიარაღებულია, თუმცა პოლიცია ამას ვერ ადასტურებს.
პირდაპირ ეთერში გავრცელებულ კადრებში ისმის კაცის ხმა, რომელიც ყვირის: „ამერიკას რაღაც სჭირს“.
არსებული ინფორმაციით, კაცი ითხოვს, ციხიდან გაათავისუფლონ პაკისტანელი მეცნიერი ქალი, ააფია სიდიქი, რომელიც, მრავალი დანაშაულისთვის, აშშ-ში იხდის სასჯელს.
სინაგოგის მიმდებარე ტერიტორიიდან მოსახლეობა ევაკუირებულია.