ერთი კვირის შემდეგ, რაც შინეიდ ო’კონორის შვილი გარდაცვლილი იპოვეს, მომღერალი საავადმყოფოში გადაიყვანეს, – ამის შესახებ CNN-ი წერს.
ჰოსპიტალიზაციამდე, მან Twitter-ზე რამდენიმე შემაშფოთებელი პოსტი დაწერა.
„ვაპირებ, ჩემს შვილთან წავიდე. მის გარეშე სიცოცხლეს არანაირი აზრი არ აქვს. ყველაფერი, რასაც კი ვეხები, ნადგურდება. მე მხოლოდ მის გამო ვრჩებოდი, ახლა კი ისიც აღარაა“, – წერდა მომღერალი.
მოგვიანებით, მან ახალი ტექსტი გამოაქვეყნა.
„მაპატიეთ. ეს არ უნდა დამეწერა. ახლა პოლიციელებთან ერთად ვარ, რომელთაც საავადმყოფოში მივყავარ. მაპატიეთ, რომ განერვიულეთ“, – დაწერა ქალმა.
ო’კონორი, რომელსაც წარსულში არაერთხელ უსაუბრია საკუთარ ფსიქიკურ პრობლემებსა და სუიციდურ აზრებზე, შვილის სიკვდილში თავს იდანაშაულებს.
მედიაში გავრცელებული ინფორმაციით, შინეიდ ო’კონორის 17 წლის ვაჟმა სიცოცხლე თვითმკვლელობით დაასრულა.