ნაძალადევის რაიონში, ლიახვის ქუჩა N1-ში 430 კვ.მ ფართობზე ახალი სკვერი მოეწყო. პროექტის დასრულების შემდეგ ადგილობრივ მცხოვრებლებს კეთილმოწყობილი დასასვენებელი სივრცე აქვთ.
აღნიშნულ მისამართზე საპარკე ინფრასტრუქტურა არ არსებობდა, მხოლოდ ამორტიზებული ატრაქციონები იყო განთავსებული.
სკვერში მოეწყო სარწყავი სისტემა, გარე განათების ქსელი, ფილები, ბორდიური, საქანელა სკამები, საპარკე სკამები და სანაგვე ურნები; დაირგო მცენარეები და მოეწყო ბალახის საფარი.
პროექტის ღირებულება 87 072 ლარია. სამუშაოები ნაძალადევის რაიონის გამგეობის დაფინანსებით შესრულდა.
კომენტარები