დიდთოვლობის გამო აჭარის საავტომობილო გზების დეპარტამენტი საგანგებო რეჟიმში განაგრძობს მუშაობას, – ამის შესახებ ინფორმაციას აჭარის საავტომობილო გზების დეპარტამენტი ავრცელებს.
მათივე ინფორმაციით, მიმდინარეობს გაწმენდითი სამუშაოები აჭარის ყველა მუნიციპალიტეტში. მობილიზებულია სპეციალური ტექნიკა და ადამიანური რესურსი.
მაღალი ზონის სოფლებში თოვლის საფარმა 2 მეტრს გადააჭარბა. ხილვადობა შეზღუდულია და გართულებულია სამუშაოების წარმოება.
აჭარის საავტომობილო გზების დეპარტამენტის ტექნიკა 24-საათიან რეჟიმში ახორციელებს ადმინისტრაციულ თემებთან დამაკავშირებელი გზების გაწმენდას.
კომენტარები