ეპიდვითარება ბოლო 24 საათში უკიდურესად დამძიმდა – 11 039 შემთხვევა – ეს კორონავირუსით დაინფიცირების რეკორდია.
“ომიკრონის” მთავარი სამიზნე თბილისია, ყველაზე მეტი შემთხვევა სწორედ დედაქალაქზე მოდის.
“დღეს უპრეცედენტოდ მაღალი მაჩვენებელი დაფიქსირდა. მნიშვნელოვანი ნიუანსია ის, რომ “ომიკრონის” თავისებურებიდან გამომდინარე, ეს პროპორციულად არ გადაითარგმნება ჰოსპიტალური სექტორის მატებაში. მაგრამ ძალიან დიდი დატვირთვა მოდის და კიდევ უფრო გაიზრდება ჯანდაცვის პირველად რგოლზე ეს დატვირთვა. თუკი რეკომენდაციებს დავიცავთ – ავიცრებით და პირბადეს ვატარებთ, მოგვეცემა შესაძლებლობა ნაკლებ პაციენტს დასჭირდეს სამედიცინო დახმარება, რაც ამ ტალღის ნაკლები დანაკარგებით გადაგორების მთავარი შესაძლებლობა იქნება,”- აღნიშნავს ბიძინა კულუმბეგოვი.
კომენტარები