ფრანგი მოგზაური, თავგადასავლების მაძიებელი ჟან-ჟაკ სავენი 75 წლისა გარდაიცვალა, – ამის შესახებ CNN-ი წერს.
„ძალიან ვწუხვართ, ახლა გავიგეთ, რომ ჩვენი მეგობარი ჟან-ჟაკი გარდაიცვალა. მისი უსიცოცხლო ცხედარი თავის კანოეში (l’Audacieux) იპოვეს“, – დაწერეს მოგზაურის მხარდამჭერთა Facebook-გვერდზე.
სავენი 1-ელ იანვარს, სამხრეთ-დასავლეთ პორტუგალიიდან აზორის კუნძულებისკენ, ქალაქ პონტა-დელგადასკენ გაემგზავრა, 21 იანვარს კი, მასთან კონტაქტი შეწყდა.
პორტუგალიის საზღვაო სამსახურმა მოგზაურის ცხედარი გადაბრუნებული ნავის ქვეშ აღმოაჩინა.
„სამწუხაროდ, ამჯერად, ოკეანე უფრო ძლიერი აღმოჩნდა, ვიდრე – ჩვენი მეგობარი, რომელსაც ნაოსნობა და ზღვა ძალიან უყვარდა”, – აღნიშნულია Facebook-პოსტში.
კომენტარები